Síðustu daga höfum við spurt hér í könnuninni á Karfan.is hverjir lesendur telji að verði Íslandsmeistarar í Iceland Express deild kvenna. Spurningin var sett fram fyrir einvígi Keflavíkur og Njarðvíkur þar sem staðan er núna 2-0 Keflavík í vil.
Flestir eða 60% svöruðu því að Keflavík yrði meistari en 40% lögðu nafn sitt við Njarðvíkinga en rúmlega 600 manns tóku þátt í könnuninni.
Nú spyrjum við í skyndikönnun hvort fólk telji að KR eða Keflavík vinni oddaviðureign liðanna annað kvöld í undanúrslitum Iceland Express deildar karla.
