Undanúrslit Lengjubikars karla fóru fram í gærkvöldi í DHL-höllinni. Mikil veisla var á boðstólum í vesturbænum. Fyrri leikurinn var á milli Grindavíkur og Þórs frá Þorlákshöfn. Seinni leikurinn var svo á milli Snæfells og Keflavíkur.
Grindavíkingar unnu Þórsara 66-80 í sveiflukenndum og fjörugum leik og Keflavík lagði Snæfell að velli 88-93 í jöfnum og spennandi leik. Það verða því Grindavík og Keflavík sem leika til úrslita í hreinum Suðurnesjaúrslitaleik í dag.
Úrslitaleikurinn hefst kl. 16:00 og fer fram í DHL-höllinni. Sport TV sýnir beint frá leiknum.
