Meistaradeild Evrópu, Turkish Airlines EuroLeague hefst í kvöld þegar Real Madrid fær Olympiacos í heimsókn til Spánar. Þessi lið mættust einmitt í úrslitaleik keppninnar árið 2015 hvar Madrídingar fögnuðu sigri 78-59. Búast má við hörkuleik þar sem bæði lið eru feykilega sterk og vel mönnuð. Í liði Real Madrid má helst nefna stjörnur á borð við Sergi Llull, Rudy Fernandez og Felipe Reyes. Hjá Grikkjunum ber að nefna leikmenn eins og Vasilis Spanoulis, Daniel Hackett og Kostas Papanikolaou svo einhverjir séu kynntir til sögunnar.
Fyrirkomulag Euroleague er á þá leið þetta árið að 16 lið leika í 1 deild. Leikin er tvöföld umferð, alls 30 leikir á lið frá október fram í byrjun apríl. Þá tekur við úrslitakeppni 8 efstu liðanna þar sem vinna þarf 3 leiki til að komast í "Final four" Þetta er nýtt keppnis fyrirkomulag sem samþykkt var s.l vor og er nú reynt í fyrsta sinn.
Liðin sem leika í Turkish Airlines EuroLeague í vetur eru:
Anadolu Efes – Tyrklandi
Baskonia – Spáni
Brose Bamberg – Þýskalandi
Crvena Zvezda mts – Serbía
CSKA Moscow – Rússlandi
Darussafaga Dogus – Tyrklandi
EA7 Emporio Armani Milan – Ítalíu
FC Barcelona Lassa – Spáni
Fenerbache – Tyrklandi
Galatasaray Odebank – Tyrklandi
Maccabi Fox Tel Aviv – Ísrael
Olympiacos – Grikklandi
Panathinaikos Superfoods – Grikklandi
Real Madrid – Spáni
UNICS Kazan – Rússlandi
Zalgiris – Litháen
Í fyrstu umferð mætast:
Real Madrid – Olympiacos
Crvena Zvezda – Darussafaga Dogus
Emporio Armani Milan – Maccabi Tel Aviv
Galatasaray – CSKA Moscow
Fenerbache – Brose Bamberg
Baskonia – Anadolu
Panathinaikos – Zalgiris
UNICS Kazan – Barcelona
Upphitunarþáttur fyrir Euroleague má sjá hér að neðan:
Frétt / Ragnar Gunnarsson
