Foreldrar fjölmenna jafnan á Norðurlandamótið í Solna, nú sem fyrr. Þrír fyrrum landsliðsmenn og nú foreldrar iðkenda á Norðurlandamótinu hafa hrundið af stað nýrri tískubylgju hér ytra.
Ermalausar gallaskyrtur seljast hér í bílförmum á Solna-svæðinu og þeir Guðmundur Bragason, Jón Arnar Ingvarsson og Jón Kr. Gíslason hafa allir þrír kyrfilega fest sér kaup á þessum vinsælu flíkum og taka sig vel út í stúkunni í stuðningi sínum við íslensku ungmennalandsliðin.
