Craig Pedersen, landsliðsþjálfari A-landsliðs karla í körfuknattleik, hefur valið 15 leikmenn fyrir komandi verkefni í undankeppni HM 2027 síðar í þessum mánuði.
Liðið kemur saman til æfinga hér heima sunnudaginn 22. nóvember og æfir fram að fyrsta leik. Ísland tekur á móti Bosníu í Laugardalshöll fimmtudaginn 26. nóvember klukkan 19:30. Daginn eftir heldur hópurinn utan til Istanbul þar sem strákarnir mæta Tyrklandi ytra sunnudaginn 29. nóvember klukkan 16:00.
Hópurinn er blanda af reynslumiklum lykilmönnum úr atvinnumennsku erlendis og öflugum leikmönnum úr Bónus deildinni. Leikjahæsti maður hópsins er Ægir Þór Steinarsson með 105 landsleiki en þeir Martin Hermannsson og Elvar Már Friðriksson koma skammt á eftir með 93 leiki hvor.
Aðstoðarþjálfarar Pedersens í glugganum eru Baldur Þór Ragnarsson og Viðar Örn Hafsteinsson en Arnór Gauti Ragnarsson er styrktarþjálfari.
Leikir Íslands í nóvemberglugganum:
- Ísland – Bosnía | Fimmtudaginn 26. nóvember kl. 19:30 í Laugardalshöll
- Tyrkland – Ísland | Sunnudaginn 29. nóvember kl. 16:00 í Istanbul
Leikmennirnir 15 sem æfa í glugganum:
- Bjarni Guðmann Jónsson, Stjarnan (10 landsleikir)
- Bragi Guðmundsson, Keflavík (4 landsleikir)
- Elvar Már Friðriksson, Neptunas Klaipeda (93 landsleikir)
- Haukur Helgi Pálsson, Álftanes (85 landsleikir)
- Hilmar Smári Henningsson, Stjarnan (39 landsleikir)
- Jón Axel Guðmundsson, Gran Canaria (53 landsleikir)
- Kári Jónsson, Valur (50 landsleikir)
- Kristinn Pálsson, HLA Alicante (54 landsleikir)
- Martin Hermannsson, Alba Berlin (93 landsleikir)
- Ragnar Ágústsson, Tindastóll (2 landsleikir)
- Sigurður Pétursson, Álftanes (8 landsleikir)
- Styrmir Snær Þrastarson, Rapid Bucuresti (39 landsleikir)
- Tryggvi Snær Hlinason, Bilbao Basket (88 landsleikir)
- Þórir Guðmundur Þorbjarnarson, KR (36 landsleikir)
- Ægir Þór Steinarsson, Stjarnan (105 landsleikir)
