Bakvörðurinn Arnar Pétursson, leikmaður Breiðabliks í 1. deild karla, er í kjöri á vefsíðunni hlaup.is fyrir langhlaupara ársins. Arnar sem er 20 ára gamall hefur vakið verðskuldaða athygli í langhlaupum og sigraði maraþonhlaupið í Reykjavíkurmaraþoninu 2011 og bætti sig þá um 11 mínútur frá fyrra ári og kom í mark á tímanum 2:44:15 klst.
Fimm aðrir karlkyns hlauparar eru í kjörinu og þeirra á meðal er Kári Steinn Karlsson sem á Íslandsmetið í maraþoni og er á topp tíu lista samtaka íþróttafréttamanna í kjörinu fyrir Íþróttamann ársins 2011.
