Sagt eftir leik í Hólminum: Fannar, Teitur og Jón Ólafur

 

 

Karfan.is ræddi við Stjörnumennina Fannar og Teit eftir frækinn sigur Garðbæinga í Hólminum sem og Jón Ólaf Jónsson leikmann Snæfells sem sagði að sóknarlega þyrftu Hólmarar að fá meira flæði og hætta að pirra sig á hlutunum.

 

,,Það var svo sannarlega mikilvægt að sigra hérna í kvöld og nú stálum við heimaréttinum af þeim. Það var það sem við ætluðum að gera en við þurfum að mæta þeim tilbúnari í næsta leik þar sem við vorum hálfslappir í byrjun. Þeir eru með eitt besta þriggja stiga skotliðið í deildinni á heimavelli og eru bara mjög öflugir en við vitum alveg hvernig á að spila á móti þeim og um leið og við förum aðeins að anda og átta okkur á þessu þá kom þetta betur hjá okkur. Við þurfum svo bara að mæta brjálaðir í næsta leik og þurfum að hætta að pæla í þeim og hugsa um hvað við getum og gerum best, hvernig við slógum út Grindavík sem er með hörkuvörn og smá geðveiki og þá vinnum við þetta."

 

 

“Serían er bara byrjuð og við byrjuðum alveg hreint skelfilega í leiknum og má segja að hann hafi bryrjað 15-0, menn voru ekki vakandi og spurnig hvort ferðalagið hafi eitthvað setið í mönnum. Við komum okkur svo rólega inní leikinn með frábærri vörn,ég veit ekki hvað við fengum mikið af galopnum þriggja stiga skotum sem við hittum ekki í dag og skelfilegt hvað við hittum illa en samt sem áður vinnum leikinn.Við þurfum í næsta leik að koma sterkari í byrjun og ekki gefa svona mikið forskot, svo vorum við í ferlegum villuvandræðum hér líka. En ef við mætum frá fyrstu mínútu, spilum með sjálfstraustið í 40 mínútur þá tökum við þetta.”

 

 

“Við verðum að vinna næsta leik ef við ætlum ekki að enda í tómri súpu. Mér fannst alveg þokkaleg barátta í okkur í leiknum en þó ekki undir lokin þar sem við misstum mörg sóknarfráköst til þeirra. Sóknarlega þurfum við að fá meira flæði og hætta að pirra okkur á smáhlutum. Við byrjðum vel og settum opnu skotin niður en svo hertu þeir á vörninni og þá hættum við að láta boltann ganga og fórum í einstaklingsframtak, einn á einn og svoleiðis hluti. Þá verður sóknarleikurinn tilviljnarkenndur hjá okkur og á móti komstast þeir vel inní leikinn.”