Tómas Heiðar Tómasson og félagar í Newberry College eru komnir af stað í Bandaríkjunum. Keppni í South Atlantic Conference riðlinum í 2. deild NCAA háskólaboltans er ekki hafin en úlfarnir eru þessa stundina að keppa á Mom Reeves Memorial Tournament og hafa unnið fyrsta leikinn sinn.
Í fyrsta leiknum mættust Newberry og Salem International. Tómas Heiðar Tómasson var ekki í byrjunarliði Newberry en lék þó í 17 mínútur í leiknum og skoraði 2 stig og varði fjögur skot. Þá var kappinn einnig með tvær stoðsendingar og eitt frákast.
Newberry mætir svo Georgia College í kvöld og er það síðasti leikurinn í Mom Reeves Memorial Tournament.
