Síðustu daga höfum við spurt í könnun hér á síðunni hvort liðið verði Poweradebikarmeistari í kvennaboltanum um helgina, Keflvíkingar eru nokkuð sigurstranglegri að mati lesenda en 60,98% tippuðu á Keflavík.
Valskonur fengu 39,02% atkvæða en rúmlega 200 manns tóku þátt í könnuninni. Keflavík og Valur leika til bikarúrslita á laugardag og hefst leikurinn kl. 13:30 og verður í beinni útsendingu hjá RÚV. Miðasala er hafin á miði.is og er fólki ráðlagt að nálgast sína miða þar eða hjá félögunum til að koma í veg fyrir biðröð í miðasölu á leikdegi.
Nú höfum við sett inn nýja könnun og að þessu sinni spyrjum við um hvort liðið verði Poweradebikarmeistari í karlaflokki, Stjarnan eða Grindavík?
