Stigahæsti leikmaður íslensku úrvalsdeildarinnar frá upphafi, Valur Snjólfur Ingimundarson, er 51 árs í dag. Valur skoraði 7355 stig stig á ferlinum en hann lék lengst af með Njarðvík, síðan Tindastól og loks Skallagrím. Tímabilið 1988-1989 lék Valur með Tindastól og gerði þá 26,9 stig að jafnaði í leik. Karfan.is sendir Val heillaóskir í tilefni af deginum.
Nú það eru fleiri sem eiga afmæli, Sólveig Helga Gunnlaugsdóttir fær kærar kveðjur en hún hefur m.a. leikið með Grindavík, KR og KFÍ í kvennaboltanum hér heima. Fjölmiðlamaðurinn skeleggi Guðmundur Marinó Ingvarsson heldur svo upp á 36 ára afmælið sitt í dag. Sólveig og Guðmundur fá vitaskuld hamingjuóskir í tilefni af deginum.
Vestur um haf finnum við harðjaxl sem er fimmtugur í dag en það er sjálfur Charles Barkley sem vafalítið á nokkra aðdáendur hér á Íslandi. Barkley var valinn af Philadelphia 76ers í nýliðavalinu árið 1984 en hann var fimmti í fyrstu umferð. Barkley var tekinn inn í Hall of Fame árið 2006.
Fylgstu með Karfan.is á Twitter:
