Ægir Þór Steinarsson og félagar í bandaríska háskólanum Newberry máttu þola tap á heimavelli um helgina. Newberry lá þá 83-89 gegn Carson-Newman skólanum eftir framlengdan spennuslag. Ægir skoraði 5 stig í leiknum.
Newberry 83-89 Carson-Newman (framlengt)
Ægir Þór Steinarsson var í byrjunarliði Newberry og skoraði 5 stig í leiknum. Á þeim 36 mínútum sem hann spilaði var hann einnig með 4 fráköst og 3 stoðsendingar. Stigahæstur í liði Newberry voru Mitch Riggs og Dondray Walker báðir með 17 stig.
Eftir leiki helgarinnar er Newberry í 6. sæti í SAC riðlinum með 6 sigra og 8 tapleiki en Carson-Newman í 2. sæti riðilsins með 11 sigra og 3 tapleiki en tíu lið skipa SAC riðilinn í 2. deild bandaríska háskólaboltans.
