ÍR komst í gærkvöldi í undanúrslit Domino´s-deildar karla eftir 3-1 sigur á Stjörnunni. Um var að ræða spennuslag þar sem Danero Thomas fór á kostum og gerði sigurkörfu leiksins. Þetta er því í fyrsta sinn í áratug sem ÍR fer í undanúrslit!
Árið 2008 tók ÍR síðast þátt í undanúrslitum og lá þá 3-2 eftir oddaleik gegn Keflavík. Eins og staðan er í dag eru ÍR, KR og Tindastóll komin í undanúrslit en mótherjarnir ráðst úr viðureign Keflavíkur og Hauka. Haukar leiða einvígið 2-1.
Ef Haukar vinna verða undanúrslitin svona:
Haukar-KR
ÍR-Tindastóll
Ef Keflavík vinnur verða undanúrslitin svona:
ÍR-Keflavík
Tindastóll-KR
Síðasti áratugur hjá ÍR í úrslitakeppninni:
2018: ÍR komið í undanúrslit
2017: ÍR féll 3-0 út í 8-liða úrslitum gegn Stjörnunni
2016: ÍR komst ekki í úrslitakeppnina
2015: ÍR komst ekki í úrslitakeppnina
2014: ÍR komst ekki í úrslitakeppnina
2013: ÍR komst ekki í úrslitakeppnina
2012: ÍR komst ekki í úrslitakeppnina
2011: ÍR féll út 2-1 í 8-liða úrslitum gegn Keflavík
2010: ÍR féll út 2-0 í 8-liða úrslitum gegn KR
2009: ÍR féll út 2-0 í 8-liða úrslitum gegn Grindavík
2008: ÍR komst í undanúrslit eftir 2-1 sigur á KR í 8-liða úrslitum en féll út 3-2 gegn Keflavík í undanúrslitum.
Mynd/ Bára Dröfn
