Kvennalið Keflavíkur hefur samið við bandaríska framherjann Da’Nasia Hood fyrir átökin í Bónus deildinni í vetur.
Hood kemur með mikla reynslu að borðinu en hún lék um árabil með Texas State-háskólanum í efstu deild bandaríska háskólaboltans, þar sem hún var meðal allra bestu leikmanna liðsins. Þá er hún öllum hnútum kunnug í Evrópu eftir að hafa spilað með belgíska liðinu Basket Namur Capitale árið 2025.
Keflvíkingar, sem hafa farið hægt af stað í deildinni með einn sigur í fyrstu sex leikjunum, binda miklar vonir við að Hood færi liðinu aukinn kraft og reynslu í teiginn þegar hún klæðist bláu treyjunni á næstunni.
