Valur lagði Hauka í kvöld í Ólafssal í 19. umferð Dominos deildar kvenna, 58-66. Eftir leikinn er Valur í efsta sæti deildarinnar með 32 stig á meðan að Haukar eru í 3. sætinu með 26 stig.
Karfan spjallaði við Helenu Sverrisdóttur, leikmann Vals, eftir leik í Hafnarfirði. Helena er að sjálfsögðu fyrrum leikmaður Hauka, en í leiknum í dag var hún næst framlagshæst Valskvenna með 15 stig og 11 fráköst.
