Valencia eitt heitasta lið heimsins í dag

Jón Arnór Stefánsson gerði 9 stig í gær og tók 2 fráköst þegar Valencia lagði Iberostar Tenerife 86-82 í ACB deildinni á Spáni. Valencia halda engin bönd um þessar mundir og nokkuð ljóst að liðið er eitt það heitasta í heiminum um þessar mundir síðan Golden State Warriors sigurbunan var stöðvuð á dögunum.

Valencia hefur unnið alla 13 deildarleiki sína í ACB deildinni til þessa en ACB deildin er alla jafna talin næststerkasta deildin í heiminum á eftir NBA deildinni. Valencia er ekki bara ósigrað í ACB deildinni heldur hefur liðið unnið alla tíu leiki sína í Eurocup sem er næststerkasta Evrópukeppnin á eftir Euroleague. Sigurleikirnir þetta tímabilið eru því 23 í röð! 

Ef við lítum eldsnöggt á margar af stærri deildunum þá ber fyrst að nefna að nú hafa öll lið í NBA deildinni tapað leik (Golden State 28-1), í Þýskalandi er Brose Basket á toppnum með 13 sigra og 2 tapleiki, á Ítalíu eru toppliðin tvö með 10-4 stöðu, í Tyrklandi er Anadolu Efes með 9-3 stöðu og í Rússlandi er fyrnasterkt lið CSKA Moskvu með 13-1 stöðu á toppnum. Valencia er óumdeilt eitt allra heitasta og stærsta lið heims í dag þar sem Jón er með 6,3 stig að meðaltali í leik. 

Staðan á Spáni