Umfjöllun: Annar sigur Hamars reyndist fjórða tap Vals

Hvergerðingar eru heldur betur vaknaðir, unnu sinn annan deildarsigur í röð í Iceland Express deild kvenna í kvöld þegar Hamar lagði Val 61-69 í Vodfonehöllinni. Þetta var fjórða deildartap Vals í röð en jafnframt annar sigur Hamars í röð. Stöllurnar Hannah Tuomi og Samantha Murphy fóru mikinn í Hamarsliðinu en Melissa Leichlitner og Guðbjörg Sverrisdóttir voru báðar með 15 stig í liði Vals.

 

Valsliðið byrjaði mun betur, náði góðri forystu 12-2 eftir 3 mínútur og stefndi í stórsigur Valsliðsins. Lárus þjálfari Hamars tók þá leikhlé og Hamarsliðið kom mun ákveðnara til leiks með Hönnuh Tuomi í fararbroddi. Staðan 16-10 þegar 3:15 mínútur voru eftir af fyrsta fjórðungi. Valsliðið var alltaf á undan og leiddi 20-14 í lok fyrsta leikhluta.

 

Annar leikhluti var í járnum allan tímann en Valsstelpurnar voru alltaf á undan en Hamarsstelpurnar sigu hægt og rólega nær en Hannah Tuomi var stigahæst allra leikmanna á vellinum með 19 stig og áttu Valsstelpurnar virkilega erfitt með að halda henni í skefjum. Valsliiðið hitti eingöngu úr 3 af 15 þriggjastigaskotum í fyrri hálfleik. Melissa Leichlitner var stigahæst í Valsliðinu með 11 stig en hún hélt Samönthu Murphy í eingöngu 4 stigum í fyrri hálfleik.

 

Valsliðið hreinlega hrundi í þriðja leikhluta. En liðið skoraði eingöngu 10 stig í leikhlutanum. Liðið tapaði óteljandi boltum í leikhlutanum og náði aldrei neinum takti. Það gerði hinsvegar Samantha Murphy sem fór hreinlega á kostum í leikhlutanum og skoraði 17 stig af 21 stigi Hamars í leikhlutanum. Hamar jafnar 38-38 og 40-40 en þá sigu Hamarsstúlkur frammúr og leiddu með 11 stiga mun 48-55 í lok þriðja leikhluta.

 

Valsliðið minnkaði muninn fljótlega í fjórða leikhluta í 7 stig 55-62 sem reyndist minnsti munurinn það sem eftir lifði leiks. Valsliði virkaði óöruggt í öllum aðgerðum á lokalekhlutanum og þrátt fyrir ágæta baráttu í sóknarfráköstum náðu þær aldrei að ógna sigri Hamars. Vörn Hamars var sterk og mikil baratta í leikmönnum sem stálu fjölda sendinga Valsliðið kom muninum í 7 stig stuttu fyrir leikslok 60-67 en Hamarsliðið hélt haus og sigraði, lokatölur 61-69.

 

Bestu leikmenn Hamars voru Samantha Murphy sem nánast vann leikinn í seinni hálfleik og Hannah Tuomi sem hélt liðinu inn í leiknum í fyrri hálfleik. Hjá Valsliðinu átti Guðbjörg Sverrisdóttir einna bestan leik en Valsliðið virðist eiga erfitt með að finna taktinn í sínum leik og þrátt fyrir að stefnt hefði í stórsigur liðsins í upphafi leiks þá missti það tökin á leiknum og hleypti Hamarsliðinu inn í leikinn. Hamarsliðið var síðan mun betra liðið í seinni hálfleik og eftir að þær komust yfir í þriðja leikhluta létu þær forystuna aldrei af hendi og unnu verðskuldaðan sigur.

 

Berglind Karen Ingvarsdóttir, Melissa Leichlitner, Kristrún Sigurjónsdóttir, Guðbjörg Sverrisdóttir, María Ben Erlingsdóttir

 

Samantha Murphy, Hannah Tuomi, Bylgja Sif Jónsdóttir, Álfhildur Þorsteinsdóttir, Marín Laufey Davíðsdóttir.

 

 

Valur: Melissa Leichlitner 15/7 stoðsendingar, Guðbjörg Sverrisdóttir 15/4 fráköst, María Ben Erlingsdóttir 12/12 fráköst, Kristrún Sigurjónsdóttir 4/5 fráköst, Þórunn Bjarnadóttir 4/5 fráköst, Unnur Lára Ásgeirsdóttir 4/4 fráköst, Berglind Karen Ingvarsdóttir 3, Hallveig Jónsdóttir 2/4 fráköst, Signý Hermannsdóttir 2, Súsanna Karlsdóttir 0, María Björnsdóttir 0, Ragnheiður Benónísdóttir 0.

 

Hamar: Hannah Tuomi 26/17 fráköst, Samantha Murphy 25/8 fráköst, Álfhildur Þorsteinsdóttir 6/15 fráköst, Sóley Guðgeirsdóttir 5, Kristrún Rut Antonsdóttir 3, Jenný Harðardóttir 2, Marín Laufey Davíðsdóttir 2/6 fráköst, Rakel Úlfhéðinsdóttir 0, Katrín Eik Össurardóttir 0, Dagný Lísa Davíðsdóttir 0, Bylgja Sif Jónsdóttir 0, Rannveig Reynisdóttir 0.

 

Dómarar: Kristinn Óskarsson, Gunnar Þór Andrésson