Árleg spá Körfunnar fyrir Dominos deildirnar er nú klár en sérstakir sérfræðingar Körfunnar settu saman spánna. Sérfræðingarnir eru pennar Körfunnar, leikmenn og þjálfarar sem leikið hafa í Dominos deildunum eða þekkja vel til. Það styttist óðum í að Dominos deildin hefjist og því við hæfi að byrja að telja niður með því að spá í spilin.
Spáin heldur áfram og næst er það 7. sætið sem mun bjarga sér frá falli.
7. sæti – Breiðablik
Liðið sem féll á síðustu leiktíð fékk óvænt sæti í Dominos deildinni á ný eftir að Stjarnan dróg liðið úr leik. Blikar tóku sætið á ný en misstu þó sterka leikmenn snemma í sumar. Það var mikill stígandi í liðinu á síðasta tímabili og vann liðið nokkra leiki á lokasprettinum en það dugði ekki til. Fyrrum landsliðsþjálfarinn Ívar Ásgrímsson er nú þjálfari liðsins sem mun án efa bæta liðið í vetur.
Komnar og farnar:
Komnar:
Ívar Ásgrímsson frá Haukum (þjálfari)
Violet Morrow frá Eastern Washington (USA)
Fanney Lind Thomas frá Skallagrím
Farnar:
Ragnheiður Björk Einarsdóttir í California Baptist háskólann
Sóllilja Bjarnadóttir í KR
Florencia Palacios óljóst
Ivory Crawford óljóst
Sanja Orazovic til KR
Kelly Faris til New York Liberty (WNBA)null
Mikilvægasti leikmaður:
Leikstjórnandinn Björk Gunnarsdóttir þarf að eiga frábært tímabil til að Blikar nái að halda sæti sínu. Hún bætt sig á síðustu leiktíð og þá sérstaklega er varðar stigaskorun. Leikmaður sem þarf að taka næsta skref á ferli sínum, ekki bara vera efnileg lengur heldur góð.
Fylgist með
Þórdís Jóna Kristjánsdóttir endaði síðasta tímabil með glans og var stór hluti af því að liðinu gekk svo vel í lokaumferðinni. Þarf einnig að taka næsta skref sem leikmaður og sýna stöðugleika í leik sínum.
Þakið:
Ívar nær öllu útúr leikmönnum sínum og liðið nær í nokkra góða sigra. 6. sætið væri þá ásættanlegur árangur og bjarga sér örugglega frá falli.
Gólfið:
Blikar falla annað árið í röð þar sem liðið nær ekki saman og úrslitin falla ekki með þeim.
Spá Körfunnar fyrir Dominos deild kvenna 2019/2020
- _________________
- _________________
- _________________
- _________________
- _________________
- _________________
- Breiðablik
- Skallagrímur
