{mosimage}
(Logi, Magnús og Helgi á fjölmiðlafundi fyrir skemmstu)
Logi Gunnarsson gerði 27 stig í kvöld þegar íslenska landsliðið lagði Belga að velli 92-88 á æfingamóti í Hollandi. Belgar leika sem A-þjóð en Ísland er í hópi B-þjóða og sigurinn því gott veganesti í Evrópukeppnina í september.
Magnús Þór Gunnarsson gerði 26 stig í leiknum og var vítanýting Loga og Magnúsar glæsileg en Logi setti niður 10 af 11 vítum en Magnús hitti úr öllum níu vítunum sínum.
Íslenska liðið leiddi leikinn með 5-8 stiga mun allan tímann og hafði að lokum fjögurra stiga sigur. Jakob Sigurðarson gerði 11 stig, Jón Arnór Stefánsson kom til Hollands frá Spáni í dag og gerði 10 stig á 19 mínútum. Hlynur Bæringsson og Fannar Ólafsson voru drjúgir í fráköstunum og þá áttu þeir Egill Jónasson, Helgi Magnússon og Friðrik Erlendur Stefánsson einnig góðan leik.
