Mánaðarlega mun Karfan birta kraftröðun í vetur. Þar er ekki aðeins tekin til staða liðanna í deildinni, heldur einnig breytingar á leikmannahópum og það gengi, eða sú sveifla sem liðið er í á hverri stundu.
Riðið var á vaðið með Domino‘s deildir karla og kvenna, en hér fyrir neðan er september útgáfan fyrir 1. deild kvenna. Það sem horft er til í þessari fyrstu útgáfu er breyting á leikmannahópum liðanna, en ekki er tekið sérstakt tillit til æfingaleikja sem liðin hafa spilað í þetta skiptið, nema að litlu leyti.
Örvarnar munu á næsta lista merkja færslu liða á milli mánaða, en þar sem þetta er fyrsti sinnar tegundar, þá eru þær miðaðar við endanlega stöðu liðs í deildinni á síðasta tímabili.
#1: Grindavík
Grindavík átti erfitt uppdráttar í Domino‘s deildinni í fyrra en hafa núna fengið erlendan leikmann, Angelu Rodriguez, sem mun sömuleiðis þjálfa liðið. Fólk dæmir fyrir sig sjálft hversu góð hugmynd spilandi þjálfari sé. Liðið hefur Emblu Kristínardóttur og ungar efnilegar stelpur sem hafa verið í unglingalandsliðum líka þannig að við teljum þetta besta liðið þar til annað kemur í ljós.
Komnar
Angela Rodriguez frá USA
Emelía Grétarsdóttir frá Njarðvík
Farnar
Hrund Skúladóttir til Njarðvíkur
Lovísa Falsdóttir til Breiðabliks
Belinda Berg Jónsdóttir til Þórs Akureyrar
#2: KR
KR-ingar rétt misstu af úrslitakeppni 1. deildar kvenna í fyrra og ætla sér upp á þessu ári. Benedikt Guðmundsson nýráðinn þjálfari þeirra mun vonandi hjálpa þeim þar ásamt öflugum ungum stelpum sem eru reynslumeiri í ár. Fyrst að erlendur leikmaður er ekki enn komin og óvíst hver hún verði munu KR-stelpur verma annað sætið í bili.
Komnar:
Unnur Tara Jónsdóttir
Erlendur leikmaður óráðinn
Farnar:
Ásta Júlía Grímsdóttir til Vals
Guðrún Gróa Þorsteinsdóttir til Vals
Rannveig Ólafsdóttir í pásu
Ingibjörg Yrsa Ellertsdóttir í pásu
Jóhanna Rún Styrmisdóttir hætt
#3: Fjölnir
Fjölnisstúlkur áttu arfaslakt tímabil í fyrra og hafa í ofanálag misst nokkrar efnilegar úr liðinu. Þrátt fyrir að erlendur leikmaður þeirra líti vel út á blaði þá verða þær ekki ofar á listanum fyrr en hún mætir og sýnir hvað hún getur.
Komnar
McCalle Feller frá USA (ekki lent ennþá)
Farnar
Kristín María Matthíasardóttir til Vals
Fanney Ragnarsdóttir til Hauka
Heiðrún Harpa Ríkharðsdóttir til Skallagríms Friðmey Rut Hassing Ingadóttir til Breiðabliks
Eva María Emilsdóttir í pásu
#4: ÍR
Hið nýstofnaða kvennalið ÍR-inga er stútfullt af leikmönnum sem hafa komið úr öðrum liðum ásamt því að Ólafur Jónas Sigurðsson hefur tekið vel á þeim á undirbúningstímabilinu a la Bootcamp. Þó þær hafi ekki erlendan leikmann gætu þær valdið usla þegar þær hafa spilað sig betur saman. Fjórða sætið í bili.
Komnar
Snædís Birna Árnadóttir frá Breiðablik
Rannveig Bára Bjarnadóttir frá Breiðablik
Hlín Sveinsdóttir frá Breiðablik
Elín Kara Karlsdóttir frá Breiðablik
Jóhanna Herdís Sævarsdóttir frá Breiðablik
Katla Marín Stefánsdóttir frá Breiðablik
Kolbrún Grétarsdóttir frá Breiðablik
Hanna Þráinsdóttir frá Skallagrím
Sigurbjörg Rós Sigurðardóttir frá Skallagrím
Bryndís Gunnlaugsdóttir frá Stjörnunni
Guðrún Sif Unnarsdóttir frá Stjörnunni
Alexia Luneau frá Stjörnunni
Sigríður Antonsdóttir frá Stjörnunni
Hrafnhildur Magnúsdóttir frá Val
Nína Jenný Kristjánsdóttir frá Val
Guðrún Eydís Arnarsdóttir frá KR
Farnar
Á ekki við
#5: Hamar
Svo virðist sem góður hluti þeirra leikmanna sem skiluðu Hamri upp í úrvalsdeildina 2013 hafi hug á að koma aftur í Frystikistuna. Þær ásamt ungu stelpunum gætu staðið í efstu liðunum, en fyrst þurfum við að sjá það gerast. Fimmta sætið og sjáum til með framhaldið.
Komnar
Hálft liðið frá því árið 2013
Farnar
Íris Ásgeirsdóttir í barneignir
#6: Ármann
Ármenningar hafa endurvakið kvennaliðið sitt og þó að þær séu ungar og óreyndar gætu þær með hjálp nokkurra reyndra leikmanna náð einhverjum góðum leikjum. Verða þó ekki hærri en í sjötta sæti.
Komnar
Sigrún Guðný Karlsdóttir frá Stjörnunni
Bjarnfríður Magnúsdóttir frá FSu
Farnar
Á ekki við
#7: Þór Akureyri
Eftir að hafa naumlega misst af sæti í Domino‘s deild kvenna eftir tap í úrslitaeinvígi 1. deildar kvenna í fyrra gegn Breiðablik þá virðist botninn hafa dottið úr liðinu. Þór hefur misst 6 af 8 spilahæstu leikmönnum sína frá því í fyrra og botnsætið er þeirra þar til annað kemur í ljós.
Komnar
Belinda Berg Jónsdóttir frá Grindavík
Farnar
Unnur Lára Ásgeirsdóttir hætt
Rut Herner Konráðsdóttir hætt
Hrefna Ottósdóttir til Hauka
Thelma Hrund Tryggvadóttir
Fanney Lind G. Thomas til Skallagríms
Helga Rut Hallgrímsdóttir
