Samantekt – Dagur 5: Gott silfur gulli betra?

July 2, 2018

Lokadeginum á Norðurlandamóti yngri landsliða er lokið. Andstæðingar Íslands í dag voru Norsarar sem eru yfirleitt ekki með sterkustu liðin. Öll liðin spila gegn hvort öðru á sama degi, þannig U16 og U18 liðin mættu öll Noregi í dag.

Dagskráin byrjaði mun fyrr í dag vegna leiks Finnlands og Íslands í undankeppni HM sem fór fram kl 18:45 að finnskum tíma. Það voru því leikir nokkuð snemma í morgun sem fór vel í liðið. Það sem meira er, Ísland vann þrjá leiki af fjórum í dag sem er besta uppskera vikunnar.

Ísland hreppti ein verðlaun í ár, það voru silfurverðlaun í U16 flokki drengja en liðið tapaði einungis einum leik á mótinu og var það gegn Eistlandi. Á öðrum degi hefði liðið algjörlega getað unnið Eistland en við tökum silfrið.

Seint í kvöld fór svo fram hin árlega og margrómaða kvöldvaka Norðurlandamótsins. Segja má að kvöldvakan í ár hafi verið með betra móti og atriðin sérlega góð. Tvö frumsamin lög litu dagsins ljós og dansatriði. Annað árið í röð voru það strákarnir í U18 sem unnu sigurinn fyrir besta atriðið.

Minnum á Karfan.is er virkt á Instagram.

Allt efni dagsins frá Norðurlandamótinu má finna hér að neðan: