Bandaríkjamaðurinn Samuel Prescott hefur á nýjan leik samið við nýliða Breiðabliks fyrir komandi tímabil í úrvalsdeild karla. Sam var Blikum mikilvægur er þeir unnu fyrstu deildina á síðasta tímabili, en í 16 leikjum fyrir félagið skilaði hann 21 stigi, 4 fráköstum og 4 stoðsendingum. Þetta mun vera í fyrsta skipti sem Sam leikur í efstu deild á Íslandi, en hann hafði áður en hann fór til Blika fyrir síðasta tímabil leikið í fyrstu deildinni með Álftanesi, Hamar og Fjölni.
Tilkynning:
Þá hefur Sam Prescott einnig samið á ný við Breiðablik og mun hann leika með liðinu í efstu deild á komandi tímabili. Sam spilaði stórt hlutverk þegar Breiðablik vann 1. deildina á síðasta tímabili en hann gekk til liðs við Blika um áramót. Í 16 leikjum spiluðum skilaði Sam 20.9 stigum, 3.8 fráköstum og 4.4. stoðsendingum.
