Að öllum líkindum iðar Ríkissjóður í skinninu fyrir viðureign kvöldsins í Garðabæ þegar Stjarnan tekur á móti Snæfell í fjórða leik liðanna í undanúrslitum Domino´s deildar karla. Þarna verða vísast býsnin öll af sjálfrennireiðum sem verður ólöglega lagt.
Þónokkrir fengu sekt eftir annan leik liðanna og ferðin í Ásgarð því aðeins grimmari á einhverjar buddur en upphaflega var gert ráð fyrir. Við endurbirtum því hérna eldsnöggt loftmynd af svæðum þar sem leggja má bílum í og við Ásgarð en þeir sem vilja ólmir styrkja Ríkissjóð þeir leggja þá bara þar sem þá lystir.
