Keflavík lagði Álftanes í Blue höllinni í kvöld í þriðja leik liðanna í átta liða úrslitum Subway deildar karla. Með sigrinum nær Keflavík yfirhöndinni í einvíginu 2-1, en vinna þarf þrjá leiki til að tryggja sig áfram í undanúrslitin.
Karfan spjallaði við Remy Martin leikmann Keflavíkur eftir leik í Blue höllinni. Remy var að öðrum ólöstuðum besti leikmaður vallarins í kvöld, skilaði 29 stigum, 7 fráköstum og 8 stoðsendingum í leiknum.
