KFÍ geta þó gengið stoltir frá borði enda spiluðu þeir lengst af betur en Fjölnismenn og senda þannig skýr skilaboð.
"Þessi leikur kemur mér kannski ekkert á óvart. Við erum klárlega í úrvalsdeildarstandar. Ég er náttúrulega ósáttur við að hafa tapað þessum leik, gífurlega ósáttur. Mér finnst við svolítið gefa þeim þetta hérna í seinni hálfleik en svona er þetta. Þú ert að hitta á mig á lélegum tíma fyrir svona viðtal.
Það vantar einn af tveimur sterkustu mönnunum mínum en samt erum við að glutra niður unnum leik. Úrvalsdeildarliðin hræða mig ekki neitt".
KFÍ er því líklega ekkert að fela það að þeir stefna beint aftur upp í deild hinna bestu?
"Ég fer ekkert leynt með það. Við stefnum á að fara upp, við stefnum á að vinna hvern einstasta leik og það er okkar mottó. Ef við vinnum hvern einasta leik þá förum við upp, þannig er hugsunarhátturinn hjá okkur".
Myndasafn eftir Björn Ingvarsson úr leiknum má finna hér
