Pavel Ermolinskij verður ekki með Íslandsmeisturum KR á eftir þegar röndóttir taka á móti nýliðum Tindastóls í toppslag Domino´s deildarinnar. Pavel hefur enn ekki náð leik með KR á Íslandsmótinu sökum meiðsla á ökkla sem hann hlaut skömmu fyrir mót.
Þrátt fyrir fjarveru Pavels hafa Íslandsmeistarar KR opnað mótið með tveimur sigrum, fyrst gegn Njarðvík og svo í Reykjavíkurrimmu gegn ÍR. Tekst þeim að landa þeim þriðja í kvöld án landsliðsleikstjórnandans?
