Keflavík steig skref í átt að úrslitaeinvígi Iceland Express deildar kvenna í kvöld þegar liðið sigraði KR 76-64 í þriðja leik liðanna og leiðir því 2-1 í einvíginu.
Bryndís Guðmundsdóttir var stigahæst í Keflavíkurliðnu með 18 stig, Birna Valgarðsdóttir skoraði 17. Nýji leikmaðurinn, Lisa Karcic var með 12 og tók 12 fráköst.
Hjá gestunum kom Margrét Kara Sturludóttir heit úr leikbanni og skoraði 19 stig en Melissa Jeltema skoraði 12 stig og tók 14 fráköst.
Næsti leikur liðanna er á sunnudag klukkan 19:15 í DHL höllinni en á morgun tekur Njarðvík á móti Hamri í fjórða leik liðanna þar sem Hamar leiðir 2-1.
Mynd: [email protected]
