Bilbao situr sem fastast í 5. sæti spænsku úrvalsdeildarinnar með átta stig eftir sex umferðir í kjölfar mikilvægs 81–78 útisigurs á Joventut Badalona í dag.
Spennan var í hámarki allan leikinn og réðust úrslitin ekki fyrr en á lokasekúndunum. Tryggvi Snær Hlinason fór mikinn undir körfunni og lék stórt hlutverk. Miðherjinn öflugi spilaði í 25 mínútur og var næststigahæstur í liði Bilbao með 13 stig, greip átta fráköst og dreifði spilinu vel með tveimur stoðsendingum.
