09:48
{mosimage}
Gærdagurinn var ekki sá besti, sem Phil Jackson, þjálfari LA Lakers í bandarísku NBA körfuboltadeildinni, hefur lifað. Hann var fyrst sektaður um jafnvirði 3,5 milljóna króna fyrir að fullyrða, að dómarar deildarinnar væru að hefna sín á Kobe Bryant, helstu stjörnu Lakers, og síðan tapaði liðið fyrir Denver Nuggets, 113:86. Þetta var sjöundi tapleikur Lakers í röð og er það lengsta taphrina á 16 ára þjálfaraferli Jacksons.
Meistararnir í Miami Heat eru hins vegar komnir á skrið og unnu áttunda leik sinn í röð, nú gegn New Jersey, 93:86. Shaquille O'Neal skoraði 19 stig, þar af 17 í síðari hálfleik.
Einn leikur til viðbótar var í NBA deildinni í nótt þegar Milwaukee Bucks vann San Antonio Spurs, 101:90.
