KR lagði Njarðvík í kvöld í lokaleik fjórðu umferðar Subway deildar karla, 91-75.
Eftir leikinn er KR í 6.-8. sæti deildarinnar með tvo sigra og tvö töp á meðan að Njarðvík er í 3.-5. sætinu með þrjá sigra og tvö töp.
Karfan spjallaði við Maciek Baginski leikmann Njarðvíkur eftir leik í Vesturbænum. Maciek er nýlega kominn aftur í leikmannahóp Njarðvíkur og átti ágætisleik þrátt fyrir tapið, skilaði 8 stigum og 2 fráköstum á 11 mínútum spiluðum af bekknum.
