Lykilleikmaður 27. umferðar Dominos deildar kvenna er leikmaður Keflavíkur, Birna Valgerður Benónýsdóttir. Í góðum sigri hennar kvenna á Val skoraði Birna 17 stig, tók 10 fráköst, gaf 4 stoðsendingar og varði 2 skot á aðeins 20 mínútum spiluðum. Þetta er í fjórða skiptið í vetur sem að Birna er lykilleikmaður umferðar.
Aðrar tilnefndar voru leikmaður Stjörnunnar, Dani Rodriguez, fyrir frammistöðu sína gegn Haukum, leikmaður Skallagríms, Kristrún Sigurjónsdóttir, fyrir frammistöðu sína gegn Njarðvík og leikmaður Snæfells, Aaryn Ellenberg-Wiley, fyrir frammistöðu sína gegn Grindavík.
Lykilleikmaður 27. umferðar Dominos deildar kvenna? #korfubolti
— Karfan.is (@Karfan_is) March 19, 2017
