17:10
{mosimage}
Logi Gunnarsson og félagar hans í finnska úrvalsdeildarliðinu ToPo Helsinki höfðu sigur á Espoon Honka í gærkvöldi 73-66 og var Logi stigahæstur ToPomanna með 14 stig í leiknum og var valinn maður leiksins fyrir vikið.
Honka er í 2. sæti deildarinnar með 58 stig en ToPo er í 4. sæti deildarinnar með 52 stig. ToPo á aðeins einn leik eftir í deildarkeppninni en að honum loknum er komið að úrslitakeppninni í Finnlandi. ToPo getur jafnað KTP Basket að stigum en KTP er í 3. sæti deildarinnar með 54 stig en KTP hefur betur í innbyrðisviðureignum gegn ToPo og því eru Logi og félagar fastir í 4. sæti.
