LeBron James, leikmaður Philadelphia 76ers, hefur svarað Anthony Edwards eftir að stjarna Minnesota Timberwolves skaut föstum skotum að aldri hans og liðsvali í nýrri auglýsingaherferð fyrir Adidas.
Í auglýsingunni fyrir nýja skóinn sinn gerði Edwards grín að ákvörðun LeBron um að velja Philadelphia fram yfir Minnesota og sagði með bros á vör að hné kappans hefðu líklega ekki þolað kuldann í norðrinu, auk þess að skjóta létt á hárgreiðslustofur borgarinnar og nýjan liðsfélaga hans, Jaylen Brown.
LeBron ræddi málið í hlaðvarpinu Mind the Game við Steve Nash og gaf lítið fyrir skotin. Hann tók fram að hann hefði ekki einu sinni séð auglýsinguna sjálfur, enda væri hann á lífstíðarsamningi við Nike og horfði einfaldlega ekki á efni merkt þremur röndum Adidas. Þá benti hinn 41 árs gamli leikmaður á að Edwards þyrfti að láta endurskrifa handritið, enda væri veðrið í Philadelphia ekkert hlýrra fyrir hnén á honum en í Minnesota. LeBron bætti við að Edwards hefði einfaldlega lesið upp af textavél til að vekja athygli og sagðist fagna öllum slíkum skotum, enda væri hann löngu vanur því að vera skotspónn keppinautanna.
