Njarðvík lagði Þór í oddaleik í Ljónagryfjunni í kvöld í átta liða úrslitum Subway deildar karla, 98-97. Njarðvík fer því áfram í undanúrslitin, þar sem þeir mæta deildarmeisturum Vals í fyrsta leik eftir helgi.
Karfan spjallaði við Lárus Jónsson þjálfara Þórs eftir leik í Ljónagryfjunni. Lárus tjáir sig lítið um lok framlengingar leiksins, en með innan við sekúndu eftir setur Þorvaldur Orri Árnason ótrúlegan flautuþrist langt fyrir utan þriggja stiga línuna til þess að vinna leikinn fyrir Njarðvík, 98-97. Segir hann þó að honum hafi þótt vafasamt að það hafi verið karfa.