18:21
{mosimage}
(Jónas Pétur í leik með Blikum gegn Stjörnunni á síðustu leiktíð)
Jónas Pétur Ólason leikmaður Breiðabliks í 1. deild karla er frá vegna meiðsla um þessar mundir og verður því ekki með gegn Haukum í leik liðanna sem hefst nú eftir nokkrar mínútur eða kl. 18:30 í Hafnarfirði. Frá þessu er greint á www.breidablik.is
Jónas kom aðeins seinna inn í lið Breiðabliks í haust eftir endurhæfingu vegna hásinaslita á síðasta tímabili og hefur verið að koma sér hægt og bítandi inn í lið Blika en einhver bið verður á því að hann komist á fullt þar sem að bólgur í hásin eru að trufla hann.
Jónas er í meðferð hjá sjúkraþjálfara og óvíst hvenær hann kemst á fullt aftur. Enn fækkar leikstjórnendum Blika því Rúnar Ingi er enn meiddur og verður fróðlegt að sjá hvernig þeir leysa þau mál í Hafnarfirði í kvöld.
