Haukar tryggðu sér í kvöld sigur í fyrstu deild karla með sigri á Álftanesi í Ólafssal, 85-67. Haukar eftir leikinn með 46 stig, 6 stigum á undan Hetti sem að töpuðu í kvöld fyrir Sindra á Höfn í Hornafirði og geta ekki náð þeim úr þessu. Það verða því Haukar sem fara beint upp í Subway deildina, eftir aðeins eitt tímabil í fyrstu deildinni.
Karfan spjallaði við Jeremy Smith leikmann Hauka eftir sigurinn mikilvæga. Jeremy átti enn einn stórleikinn fyrir Hauka í kvöld, skilaði 32 stigum og 7 fráköstum á 30 mínútum spiluðum.
