Undir 16 ára lið Íslands sigraði Noreg í öðrum leik Norðurlandamóts þessa árs í Solnahallen með 68 stigum gegn 51.
Leikurinn hófst á því að leikmenn Noregs fóru allir saman í hraðaupphlaup á ranga körfu og skoruðu. Upphófst við það mikill málflutningur beggja dómara og þjálfara um það hvort það hefði átt að skrá þau stig á Ísland eða ekki. Úr varð að svo var nú á endanum gert.
Annars fór leikurinn vel af stað fyrir Íslandog eftir fyrsta leikhlutann voru þær komnar með 8 stiga forystu í 7-15. Framan af öðrum leikhlutanum vildi þó lítið sem ekkert ofaní fyri Ísland á meðan að Noregur saxaði á forskotið. Undir lok hálfleikssins fór þær þó að hitta aftur en þrátt fyrir það fóru þær með stigs minni forstu til búningsherbergja en þær höfðu haft eftir 1. leikhluta.
Í seinni hálfleiknum, eftir kafla mikilla yfirburða Íslands þar sem munurinn var mest kominn í 15 stig. Með hjálp 1-3-1 svæðisvarnar átti Noregur hinsvegar eftir að koma til baka. Minnstur varð munurinn 6 stig, en nær komust þær ekki. Vel undirbúið lið Íslands réð gátuna og byggði upp mesta forskot leiksins í framhaldi.
Leikurinn endaði með 68-51 sigri Íslands
Atkvæðamestar í íslenska liðinu voru Andrea Einarsdóttir með 12 stig, 5 fráköst og Hera Sóley Sölvadóttir með 6 stig, 5 stolna bolta og 8 fráköst.
Næsti leikur liðsins er gegn Finnlandi á morgun kl. 15:00, en hægt verður að fylgjast með honum inni á www.kki.is (tölfræði) og að sjálfsögðu fylgir umfjöllun eftir leik héðan af www.karfan.is.
Umfjöllun, myndir & viðtöl / Davíð Eldur
