Heiður Karlsdóttir, leikmaður Fjölnis í Subway-deild kvenna, hefur samið við Wyoming háskólann um að leika með körfuboltaliði skólans, Wyoming Cowgirls, eftir að næsta tímabili lýkur.
Heiður er uppalin í Skallagrími en hefur leikið í Grafarvogi síðustu ár, auk þess sem hún hefur leikið með yngri landsliðum Íslands.
Wyoming leika í Mountain West hluta efstu deildar háskólaboltans og hafa í tvígang komist í úrslitamót Marsfársins, nú síðast árið 2021, en þá var Dagný Lísa Davíðsdóttir hluti af liðinu, en þær eru núverandi liðsfélagar hjá Fjölni.
