Þrír af efnilegustu leikmönnum Hauka þeir Emil Barja, Haukur Óskarsson og Örn Sigurðarson endurnýjuðu samning sinn við Hauka á dögunum og að sögn formanns Kkd. Hauka, Samúels Guðmundssonar, er þetta mikið ánægjuefni fyrir deildina.
Eins og fram kemur á heimasíðu Hauka eru Haukar búnir að tryggja sér þann kjarna leikmanna sem byggt verður áfram upp í kringum næstu árin.
Einnig var samið við Svein Ómar Sveinsson um að sjá áfram um styrktarþjálfun liðsins og jafnframt kemur fram kemur á heimasíðu Haukanna að Pétur Ingvarsson verði áfram með liðið á næstu leiktíð.
Mynd: Emil Barja, Samúel Guðmundsson, Haukur Óskarsson og Örn Sigurðarson við endurnýjun samninganna – www.haukar.is
