Dagur Þór Helguson hefur gert nýjan samning við körfuknattleiksdeild Selfoss og mun áfram gegna lykilhlutverki utan vallar hjá meistaraflokki karla á komandi keppnistímabili. Dagur mun sjá um hlutverk liðsstjóra og búningastjóra líkt og undanfarin ár.
Stjórn Selfoss lýsir yfir mikilli ánægju með að halda Degi innan sinna raða og leggur áherslu á að gott utanumhald skipti sköpum fyrir árangur og starfsemi liðsins.
