Clippers tóku Spurs

Clippers smelltu í sigur gegn San Antonio Spurs, 115-92, og er þetta stærsti sigur Clippers á Spurs frá upphafi. Blake Griffin var í banastuði og setti niður 27 stig og tók 9 fráköst og CP3 smellti niður 23 stigum og gaf 7 stoðsendingar. Hjá Spurs var „gamli“ maðurinn, Tim Duncan, fremstur meðal jafningja þegar hann setti niður 17 stig og tók 11 fráköst.

 

Pistons lögðu Indiana og minnkuðu þar með bilið á milli liðanna í riðlinum en liðin eru í fyrsta og öðru sæti hans. Indiana hefur þó 83% sigurhlutfall á meðan Detroit er í rúmum 46%. Josh Smith kláraði leik með 30 stig og 7 fráköst en hjá Indiana var Lance Stephenson með 23 stig, 7 fráköst og 6 stoðsendingar.