Keflavík lagði Grindavík í kvöld í 6. umferð Subway deildar kvenna, 84-74. Eftir leikinn er Keflavík enn í efsta sæti deildarinnar, taplausar eftir fyrstu sex umferðirnar á meðan að Grindavík er í 7. sætinu með einn sigur í sex leikjum.
Karfan spjallaði við Birnu Valgerði Benónýsdóttur leikmann Keflavíkur eftir leik í Blue Höllinni. Birna hafði verið frá í nokkra leiki vegna meiðsla, en var á nýjan leik komin í Keflavíkurbúninginn í kvöld. Ekki sveik hún í endurkomu sinni, skilaði 24 stigum og 4 fráköstum á tæpum 25 mínútum spiluðum í leiknum.
