Heimsmeistaramót kvenna hófst í gær með fyrstu leikjum riðlakeppninnar. Mótið fer fram á Tenerife á Spáni en þetta er í átjánda skipti sem mótið fer fram.
Riðlakeppninni lauk í dag og var dramatíkin mikil. Ljóst er hvaða lið eru á leið í átta liða úrslita en efstu lið allra riðla fóru beint þangað. Hin liðin mætast í hreinum úrslitaleikjum um að komast í átta liða úrslit á morgun. Úrslit frá degi þrjú á mótinu:
Japan 69-61 Puerto Rico
Ástralía 90-64 Tyrkland
Suður Kórea 48-58 Grikkland
Senegal 66-75 Kína
Argentína 70-75 Nígería
Lettland 76-102 Bandaríkin
Belgía 72-63 Spánn
Kanada 71-60 Frakkland
Mótið heldur áfram á morgun þegar það mun koma í ljós hvaða lið það eru sem mætast í átta liða úrslitum. Hér að neðan má sjá hvernig staðan á mótinu er núna og hvaða lið geta mæst í næstu umferðum.
Það er morgunljóst að frábærir dagar eru framundan á heimsmeistaramótinu nú þegar spenna fer að færast í leika. Úrslitaleikurinn fer fram næstkomandi sunnudag en vert er að benda á að allir leikir mótsins eru í beinni útsendingu á Youtube.
