Stórmyndin AIR verður frumsýnd í Sambíóunum í kvöld, en hún er saga skókaupmannsins Sonny Vaccaro og hvernig hann náði að tryggja íþróttavöruframleiðandanum Nike samning við einn frægasta körfuboltamann allra tíma, Michael Jordan.
Áhrif Michael Jordan á körfubolta eftir að hann kom inn í NBA deildina árið 1984 voru gríðarleg, bæði fyrir deildina sjálfa, sem og íþróttina í heild. Þá hefur það veldi sem hann náði að byggja upp með NIKE í skóm og fatnaði haldið áfram að vaxa og dafna síðan hann lagði skóna á hilluna laust eftir síðustu aldamót.
Myndinni AIR er leikstýrt af Ben Affleck, en ásamt honum leika í henni Matt Damon, Jason Bateman, Chris Tucker, Chris Messina og Marlon Wayans. Þá hefur hún hlotið einróma lof gagnrýnenda, en hún er í dag með 8.4 í einkunn á IMDB.
