“Við spiluðum náttúrulega rosalega vel þarna á 10 mínútna kafla í fyrri hálfleik en svona síðustu 5 mínúturnar í seinni hálfleik var þetta svolítið kæruleysi hjá okkur. Á meðan við vorum á fullu gasi og að spila eins vel og við getum vorum við klárlega betra liðið. En við duttum niður í eitthvað kæruleysi”.
Eftir virkilega góðan fyrri hálfleik þar sem sóknarleikur Breiðabliks var nánast ekki til staðar tókst gestunum að snúa blaðinu all hressilega við og skoruðu fleiri stig í fjórða leikhluta heldur en fyrri hálfleik sem dæmi. Það má því segja að fyrri og seinni hálfleikur hafi verið algjörar andstæður.
“Við spiluðum nokkuð vel á köflum, hvert hraðaupphlaupið á fætur öðru og góð vörn. En við áttum í vandræðum með fráköst í dag. Miðað við hvað við erum með góða frákastara í okkar liði þá vorum við ekki að frákasta vel. Sóknarleikurinn okkar var engan vegin nógu góður, þeir spila þessa svæðisvörn á okkur og við náum ekki að nýta okkur þessar glufur. Við náðum reyndar oft opnum skotum en náðum ekki að nýta okkur það eins vel og við ættum að gera”
4 stig eftir fyrstu tvo leikina hlýtur þó að vera gleðiefni.
“Fyrsta heimaleikur og 2 stig úr honum, við erum ánægðir með það”.
mynd: [email protected]
