7:55
{mosimage}
María Ben Erlingsdóttir var stigahæst þegar lið hennar UTPA tapaði á heimavelli fyrir Cal St.-Bakersfield 87-63 í nótt. María skoraði 12 stig, hitti úr 3 af 8 skotum sínum utan af velli og 6 af 7 vítum. Að auki tók hún 4 fráköst.
Helena Sverrisdóttir og stöllur í TCU steinlágu á útivelli í nótt þegar þær léku gegn Wyoming Cowgirls og töpuðu 62-45. Helena lék í 18 mínútur og skoraði 7 stig.
Catawba tapaði fyrir Tusculum 82-79 á útivelli en Tusculum skoraði sigurkörfuna, þriggja stiga körfu á síðustu sekúndu leiksins. Finnur Atli Magnússon lék í 7 mínútur í leiknum og skoraði 7 stig, hitti úr 3 af 4 skotum sínum utan af velli.
Ágúst Angantýsson og félagar í Auburn skólanum tóku á móti Brewton-Parker og sigruðu 71-46. Ágúst lék í 15 mínútur en tókst ekki að skora.
Mynd: www.vf.is
