09:35
{mosimage}
(Manu Ginobili sækir að Kirilenko í Salt Lake City í nótt)
Fjórir leikir fóru fram í NBA deildinni í nótt þar sem Utah Jazz hafði betur gegn meisturum San Antonio Spurs 97-91 á heimavelli sínum Energy Solutions Arena í Salt Lake City. Þeir Carlos Boozer og Andrei Kirilenko voru báðir með 23 stig í liði Utah en Boozer tók auk þess 7 fráköst og gaf 7 stoðsendingar. Manu Ginobili var atkvæðamestur í liði Spurs með 29 stig.
Josh Howard gerði 26 stig og tók 6 fráköst fyrir Dallas Mavericks þegar liðið skellti Memphis Grizzlies 84-103 á útivelli. Rudy Gay var stigahæstur í liði heimamanna með 18 stig.
Chris Paul fór á kostum í liði New Orleans Horntes í nótt þegar liðið skellti Denver Nuggets 117-93 á heimavelli. Paul gerði 23 stig, gaf 17 stoðsendingar og tók 9 fráköst. Allen Iverson var stigahæstur í liði gestanna með 23 stig.
Charlotte Bobcats gerðu svo góða ferð í Staples Center er þeir lögðu LA Clippers 100-107. Gerald Wallace átti góðan dag í liði Bobcats með 23 stig, 8 stoðsendingar og 6 fráköst. Tim Thomas var atkvæðamestur í liði Clippers með 29 stig, 13 fráköst og 5 stoðsendingar.
Mynd: AP
