13:56
{mosimage}
(Helena ásamt þjálfara sínum Jeff Mittie)
María Ben Erlingsdóttir og félagar í UTPA háskólanum léku tvo leiki í röð í háskólakörfuboltanum um helgina á heimavelli. Þann fyrsta á föstudag og þann síðari á laugardag. Á föstudag tókst UTPA að binda enda á sjö leikja taphrinu með sigri á Longwood skólanum 79-74.
María gerði 2 stig í leiknum, tók 2 fráköst og gaf 2 stoðsendingar á 11 mínútum. Á laugardeginum var Chicago State skólinn í heimsókn þar sem UTPA fór með 62-55 sigur af hólmi eftir framlengingu. María lék aftur í 11 mínútur en henni tókst ekki að skora. Tveir sigrar í röð hjá UTPA sem nú geta andað léttar eftir erfiða daga og sjö leikja taphrinu.
TCU vann sinn annan leik í röð í bandaríska háskólaboltanum á laugardag er þær lögðu Air Force skólann í Colorado Springs 67-49. Helena Sverrisdóttir var í byrjunarliði TCU og gerði 7 stig í leiknum á 18 mínútum.
