Maryland tapaði á sterkum útivelli um helgina í bandaríska háskólaboltanum þegar liðið heimsótti North-Carolina á heimavöllinn þeirra fræga, Chapel Hill. Lokatölur í leiknum voru 87-76 North Carolina í vil og kom Haukur Helgi Pálsson lítið við sögu í liði Maryland.
Haukur fékk að spreyta sig í þrjár mínútur í leiknum og á þeim tíma brenndi hann af einu teigskoti og fékk eina villu. Stigahæstur í leiknum hjá Maryland var Terrell Stoglin með 28 stig en hjá North Carolina var Tyler Zeller með 25 stig.
Maryland er nú í 6. sæti í ACC riðlinum með 6 sigurleiki og 6 tapleiki. Duke er sem fyrr á toppnum með 12-2 en North Carolina hafa undanfarið gefið í og eru búnir að jafna Duke á toppnum, einnig með 12-2.
