Félagarnir Jón Arnór Stefánsson og Haukur Helgi Pálsson voru á ferðinni í ACB deildinni um helgina. Haukur og félagar í Barcelona höfðu stóran sigur gegn Unicaja en Jón og Zaragoza máttu þola naumt tap gegn Barcelona þar sem Jón lék í rúma 31 mínútu í leiknum!
Assignia Manresa 86-68 Unicaja
Haukur Helgi Pálsson lék í rúmar níu mínútur í leiknum en náði ekki að skora fyrir Manresa. Haukur tók eitt þriggja stiga skot sem geigaði og tók einnig eitt frákast og gaf eina stoðsendingu. Stigahæstur í liði Manresa voru Justin Doellman og Micah Downs báðir með 19 stig.
Barcelona 71-68 CAI Zaragoza
Jón Arnór Stefánsson var í byrjunarliði Zaragoza í leiknum og lék í 31 mínútu gegn Börsungum. Jón skoraði 6 stig í leiknum, gaf 4 stoðsendingar og tók 3 fráköst. Juan Carlos Navarro var stigahæstur í liði Barcelona með 17 stig en hjá Zaragoza var Carlos Cabezas stigahæstur með 14 stig.
