Tveir leikir fóru fram í NBA deildinni í nótt þar sem Boston lagði Orlando á útivelli og LA Clippers komust á beinu brautina á nýjan leik með sigri gegn Memphis Grizzlies í Staples Center.
Orlando 83-91 Boston
Paul Pierce fór fyrir Boston í leiknum með 24 stig, 10 stoðsendingar og 6 fráköst og þá bætti Kevin Garnett við 12 stigum og 10 fráköstum. Dwight Howard fór fyrir Orlando með 16 stig og 16 fráköst.
LA Clippers 98-91 Memphis
Blake Griffin var að daðra við þrennuna en hann gerði 20 stig í liði Clippers og bætti við 9 fráköstum og 8 stoðsendingum. Þá var Chris Paul heldur ekki fjarri þrennunni með 18 stig, 7 fráköst og 7 stoðsendingar. Hjá Memphis var Rudy Gay með 24 stig og 7 fráköst.
